آپ آف لائن ہیں
منگل4؍صفر المظفّر 1442ھ 22؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آئی جےٹی کااسلامک یونیورسٹی میں کارکن کے قتل کیخلاف احتجاجی مظاہرہ

پشاور (خصوصی نامہ نگار) اسلامی جمعیت طلبہ یونیورسٹی کیمپس پشاور نے اسلامک انٹرنیشنل یونیورسٹی اسلام آباد میں جمعیت کے کارکن کے قتل کے خلاف احتجاجی مظاہرہ کیا اورطفیل الرحمٰن کی غائبانہ نماز جنازہ ادا کی جبکہ اسلامیہ کالج مسجد سے خیبر میڈیکل کالج تک احتجاجی ریلی نکالی جس کی قیادت قائمقام ناظم شفیق الرحمٰن نے کی۔ ریلی سے خطاب کرتے ہوئے ناظم کیمپس نے کہا کہ ملک بھر کے تعلیمی اداروں میں لسانی و قوم پرست تنظیمیں اسلامی جمعیت طلبہ کے پرامن تعلیمی پروگرمات کو نشانہ بنا کر تعلیمی اداروں کا پرامن ماحول خراب کرنے کی کوشش کرہے ہیں۔ انہوں نے مطالبہ کیا کہ واقعہ کے ذمہ داروں کو 48گھنٹوں میں گرفتا ر کیا جائے بصورت جمعیت اپنا لائحہ عمل طے کرے گی اور کسی بھی انتہائی اقدام کی ذمہ دار اسلام آباد پولیس اوروفاقی حکومت ہوں گی۔

پشاور سے مزید