فرمان الہی
نماز کے اوقات
کوالالمپور کانفرنس میں ملائیشیا کے وزیراعظم مہاتیر محمد نے بھارت کے متنازع شہریت کے قانون کو تنقید کا نشانہ بنایا ہے ۔
مہا تیر محمد نے کہا کہ جمہوریت کے سب سے بڑے دعویدار ملک بھارت میں مسلمانوں کو شہریت سے محروم کرنا افسوس ناک ہے، متنازع بل کی کیا ضرورت تھی؟ لوگ مررہے ہیں؟
ملائشین وزیر اعظم نے کہا کہ ہم نے بھارت اور چین سے آنے والوں کو ملائیشیا میں جگہ دی، انہیں شہریت دی، حتیٰ کے وہ اس کے اہل بھی نہیں تھے مگر اب وہ تمام حکومت میں بھی ہیں۔
انہوں نے کہا کہ مجھے یہ دیکھ کر افسوس ہوتا ہے کہ بھارت جو سیکولر ریاست ہونے کا دعویٰ کرتا ہے اب مسلمانوں کو ان کی شہریت سے محروم کرنے کی کارروائی کر رہا ہے۔
مہاتیر محمد نے کہا کہ اگر ہم یہ سب کچھ یہاں ملائیشیا میں کرتے تو آپ جانتے ہیں کہ کیا ہوتا، ہر طرف افراتفری ہوتی، ملک میں عدم استحکام ہوتا۔ ہر کوئی اس سے متاثر ہوتا۔
انہوں نے کہا کہ بھارت میں اس متنازع قانون کے باعث ہونے والے ہنگاموں سے لوگ جان سے جارہے ہیں تو اس سب کی اب کیا ضرورت ہے جب بھارت میں سب لوگ کسی مسئلے کے بغیر ستر برس سے ایک ساتھ رہ رہے ہیں۔
