بابر اعظم ٹیسٹ رینکنگ میں چھٹے نمبر پر آگئے

24 دسمبر ، 2019

انٹرنیشنل کرکٹ کونسل (آئی سی سی) نے ٹیسٹ پلیئرز کی نئی رینکنگ جاری کردی، پاکستان کے نوجوان بیٹسمین بابر اعظم کو اُن کی شاندار پرفارمنس کا صلہ مل گیا، وہ اس فہرست میں چھٹے نمبر پر آگئے ہیں۔

ٹیسٹ کیریئر میں یہ اُن کی اب تک کی سب سے بہترین رینکنگ ہے۔

عابد علی صرف 2 ٹیسٹ کھیل کر رینکنگ میں 62 ویں نمبر پر آگئے ہیں، اُن کے ریٹنگ پوائنٹس کی تعداد 473 ہے، جو صرف دو ٹیسٹ کھیلنے کے بعد عمر اکمل کے 499 پوائنٹس کے بعد کسی بھی پاکستانی بیٹسمین کے بہترین ریٹنگ پوائنٹس ہیں۔

بیٹسمینوں کی رینکنگ میں بھارت کے ویرات کوہلی بدستور پہلے نمبر پر ہیں، آسٹریلیا کے اسٹیو اسمتھ دوسرے، نیوزی لینڈ کے کین ولیم سن تیسرے، بھارت کے چتیشور پجارا چوتھے، آسٹریلیا کے مارنس لبوشان پانچویں نمبر پر ہیں۔

یہ بھی پڑھیے: پاکستان کی ICC ٹیسٹ چیمپئن شپ میں تیسری پوزیشن

پاکستان نے بابر اعظم نے سری لنکا کے خلاف عمدہ پرفامنس کا مظاہرہ کیا، جس کے بعد وہ تازہ رینکنگ میں چھٹے نمبر پر آگئے ہیں، وہ ٹاپ ٹین میں شامل واحد پاکستان بیٹسمین ہیں۔

بھارت کے اجنکیا رہانے ساتوں، آسٹریلیا کے ڈیوڈ وارنر آٹھویں، انگلینڈ کے جوئے روٹ نویں اور نیوزی لینڈ کے راس ٹیلر دسویں نمبر پر ہیں۔

سری لنکا کے خلاف سیریز کے مین آف دی میچ عابد علی 16 درجے بہتری کے بعد کا 62 ویں نمبر پر ہیں۔

شان مسعود 12 درجے بہتری کے بعد 40ویں، اظہر علی تین درجے بہتری کے بعد 26ویں جبکہ اسد شفیق 2 درجہ بہتری کے بعد 20ویں نمبر پر ہیں۔

یہ بھی پڑھیے: ملک میں ٹیسٹ کرکٹ کی واپسی اور ریکارڈز کی بھرمار

بولرز کی رینکنگ میں پہلے دس نمبرز میں کوئی تبدیلی رونما نہیں ہوئی، ٹاپ ٹین میں پاکستان کا کوئی بولر شامل نہیں، محمد عباس کا 15واں نمبر ہے۔

آسٹریلیا کے پیٹ کمنز پہلے، جنوبی افریقا کے کاگیسو ربادہ دوسرے، نیوزی لینڈ کے نیل ویگنر تیسرے، ویسٹ انڈیز کے جیسن ہولڈر چوتھے، آسٹریلیا کے مچل اسٹارک پانچویں، بھارت کے جسپریت بومراچھٹے، آسٹریلیا کے جوش ہیزل ووڈساتویں، جنوبی افریقا کے ورنن فلینڈر آٹھویں، انگلینڈ کے جیمز اینڈرسن نویں اور نیوزی لینڈ کے ٹم ساؤتھی دسویں نمبر پر براجمان ہیں۔

آل راؤنڈرز میں ویسٹ انڈیز کے جیسن ہولڈر پہلے، بھارت کے رویندرا جدیجا دوسرے، انگلینڈ کے بین اسٹوکس تیسرے، جنوبی افریقا کے ورنن فلینڈر چوتھے اور آسٹریلیا کے مچل اسٹارک پانچویں نمبر پر ہیں۔

ٹیموں کی رینکنگ میں پاکستان ساتویں نمبر پر ہے جبکہ بھارت کا پہلا، نیوزی لینڈ کا دوسرا، جنوبی افریقا کا تیسرا، انگلینڈ کا چوتھا اور آسٹریلیا کا پانچواں نمبر ہے۔

تازہ ترین