• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاہور رنگ روڈ منصوبے میں اربوں روپے کی کرپشن،اسپیشل آڈٹ رپورٹ تیار

آج کا اخبار
اہم خبریں
25 دسمبر ، 2019
لاہور(این این آئی) شہباز شریف دور کے ایک اور بڑے منصوبے لاہور رنگ روڈ میں اربوں روپے کی بے ضابطگیوں کی اسپیشل آڈٹ رپورٹ تیار کر لی گئی۔نجی ٹی وی کے مطابق محکمہ تعمیرات و مواصلات پنجاب کی سپیشل آڈٹ رپورٹ میں مجموعی طور پر 59ارب 39کروڑ 94لاکھ روپے سے زائد کی بے ضابطگیوں کا انکشاف ہوا ہے۔مالی بے ضابطگیوں کا انکشاف سول ورک، زمین کی خریداری، فنانشل مینجمنٹ ، ٹھیکہ دینے اور دیگر مدات میں سامنے آئی ہیں۔ زمین کی خریداری میں 15ارب 51 کروڑ روپے سے زائد کی مالی بے ضابطگیاں کی گئیں۔زائد قیمتیں ادا کرنے کی مد میں 4ارب 36کروڑ سے زائد کی مالی بدعنوانی سامنے آئی ہے۔ ٹھیکہ داروں کو بغیر تخمینہ لگائے اور پیمائشوں کا ریکارڈ نہ رکھنے پر 65کروڑ سے زائد کی ادائیگیاں کرنے کا کوئی جواز مود نہیں ہے۔
تازہ ترین