فرمان الہی
نماز کے اوقات
سابق صدر آصف علی زرداری نے کہا ہے کہ ذوالفقار علی بھٹو اور بے نظیر بھٹو دونوں کو آمروں کے دور میں شہید کیا گیا، آمر ان سے ڈرتے تھے، خوف کھاتے تھے، مگر آج آپ کو معلوم ہے کہ قدرت نے اُن ڈکٹیٹروں کے ساتھ کیا سلوک کیا۔
لیاقت باغ راولپنڈی کے جلسے سے وڈیو لنک کے ذریعے خطاب میں آصف زرداری نے کہا کہ ان حکمرانوں سے ملک چل نہیں سکتا، انہیں لایا اور سلیکٹ تو کیا جا سکتا ہے مگر ان سے یہ امید نہیں رکھی جا سکتی کہ وہ ملک چلا لیں گے۔
انہوں نے کہا کہ بلاول جلد آئے گا، آپ سب اس کا ساتھ دیں۔
آصف زرداری نے مزید کہا کہ عوام کے لیے آواز بلند کرنے والوں کی آواز بند کی جاتی ہے، آج بلاول بھٹو وہاں کھڑا ہے جہاں ذوالفقار بھٹو اور بینظیر بھٹو کو شہید کیا گیا۔
ان کا کہنا تھا کہ بلاول بھٹو زرداری جلد مشکلات کو حل کرتے ہوئے آگے بڑھیں گے اور ایک دن عوام کی حکومت لائیں گے۔
گڑھی خدا بخش میں بھی بینظیر بھٹو شہید کی برسی پر قرآن خوانی کا اہتمام کیا گیا، آصفہ بھٹو و دیگر نے راولپنڈی جلسے کو اسکرین پر دیکھا۔
