برطانوی شخص کا 6 فٹ لمبا ریوبک کیوب حل کرنے کا مظاہرہ

یوں تو آپ نے ریوبک کیوب حل کرتے اکثر افراد کو دیکھا ہوگا لیکن دنیا کا سب سے بڑا ریوبک کیوب حل کرتے شاید ہی کبھی دیکھا ہو۔

جی ہاں،برطانیہ سے تعلق رکھنے والے ریوبک کیوب بنانے کے ماہر Tony Fisher نامی ڈیزائنر نے6 فٹ 8 انچ دنیا کا سب سے بڑا ریوبک کیوب تیار کر کے نہ صرف عالمی ریکارڈ توڑ ڈالا بلکہ دیو ہیکل ریوبک کیوب حل کرنے کا شاندار مظاہرہ کر کے دیکھنے والوں کو تعریف کرنے پر بھی مجبور کردیا۔

واضح رہے کہ ٹونی اس سے قبل 5.6 ملی میٹر پیمائش والا دنیا کا سب سے چھوٹا ریوبک کیوب تیار کرکے گنیز ریکارڈ قائم کر چکے ہیں اور اپنے اس نئے کارنامے کو جلد گنیز بک میں درج کرنے کی درخواست دیں گے۔