آپ آف لائن ہیں
جمعہ13؍شوال المکرم 1441ھ 5؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عتیقہ اوڈھو نے اینٹی نارکوٹکس فورس جوائن کرلی؟

پاکستان شوبز انڈسٹری کی سینئر اداکارہ عتیقہ اوڈھو نے اینٹی نارکوٹکس فورس کا یونیفارم زیب تن کئے تصویر شیئر کر دی۔

فلم ’کہے دل جدھر‘ کا پہلا ٹیزر


سماجی رابطے کی ویب سائٹ انسٹاگرام پر عتیقہ اوڈھو نے اپنی اینٹی نارکوٹکس (اے این ایف) کا یونیفارم پہنے تصویر شیئر کرتے ہوئے بتایا کہ یہ نیا گیٹ اپ انہوں نے اپنی نئی آنے والی فلم ’کہے دل جدھر‘ کے لیے اپنایا ہے۔


عتیقہ اوڈھو کا کہنا تھا کہ ’نئی فلم ’کہے دل جدھر‘ میں بہت ہی دلچسپ کردار ادا کر رہی ہوں،  اُمید ہے مداحوں کو میرا یہ کردار ضرور پسند آئے گا۔‘

اپنی تصویر شیئر کرتے ہوئے انہوں نے پاکستانی اداکار جنید خان اور کامران باری کو بھی ٹیگ کیا۔

فلم ’کہے دل جدھر‘ کا پہلا ٹیزر جنید خان نے اپنے انسٹاگرام اکاؤنٹ پر شیئر کیا۔


فلم میں جنید خان اور اداکارہ منشا پاشا مرکزی کردار ادا کریں گے۔ فلم کی کہانی کامران باری نے تحریر کی جبکہ اس کی کاسٹ میں ساجد حسن بھی شامل ہیں۔

وجدان پروڈکشنز کے بینر تلے بننے والی اس فلم کی ہدایات جلال رومی دے رہے ہیں۔

فلم میں جنید خان پولیس افسر کے کردار میں نظر آئیں گے۔

انٹرٹینمنٹ سے مزید