آپ آف لائن ہیں
جمعہ3؍رجب المرجب 1441ھ 28؍فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

اتحادی ممالک کے عوام کو ٹرمپ پر اعتماد نہیں، تحقیق

اتحادی ممالک کے عوام کو ٹرمپ پر اعتماد نہیں، تحقیق


امریکا کے صدر ڈونلڈ ٹرمپ اپنے غیر سنجیدہ بیانات کی وجہ سے شہرت تو رکھتے ہی ہیں تاہم اب واشنگٹن کے اتحادی ممالک کے شہری بھی ٹرمپ پر بھروسہ نہیں کرتے۔

پیو ریسرچ کی رپورٹ میں یہ بات سامنے آئی ہے کہ برطانیہ، کینیڈا اور جرمنی کے باشندوں کو سابق امریکی صدر باراک اوباما کے مقابلے میں ٹرمپ کی جانب سے ’اچھا کام کرنے‘ کی امید بہت کم ہے۔

پیو ریسرچ کی نئی تحقیق سامنے آئی ہے جس کے مطابق مختلف ممالک کے لوگ مجموعی طور پر امریکی صدر ڈونلڈ ٹرمپ پر درست اقدامات کرنے سے متعلق کم بھروسہ کرتے ہیں۔

رپورٹ کے مطابق صرف 29 فیصد لوگ یہ سمجھتے ہیں کہ ڈونلڈ ٹرمپ عالمی امور پر درست اقدامات کر سکتے ہیں۔

اس فہرست میں کسی بھی لیڈر کو 50 فیصد لوگوں کا بھروسہ حاصل نہیں ہوسکا تاہم جرمن چانسلر انجیلا مارکیل 46 فیصد عوام کا بھروسہ حاصل کرنے میں کامیاب ہوئیں۔

ریسرچ کے مطابق فرانسیسی صدر ایمانیول میکرون پر 41 فیصد، روسی صدر پر 33 فیصد جبکہ چینی صدر پر 28 فیصد لوگ عالمی امور کے درست اقدامات کرنے سے متعلق بھروسہ رکھتے ہیں۔

ڈیٹا میں یہ واضح ہے کہ لوگوں کو امریکی حکومت نہیں بلکہ صرف ڈونلڈ ٹرمپ سے ہی مسئلہ ہے اس کا اندازہ سابق امریکی صدر باراک اوباما پر لوگوں کے بھروسے کے اعداد و شمار سے کیا جاسکتا ہے۔

امریکا کے اتحادی ملک برطانیہ کے 75 فیصد باشندوں کو باراک اوباما کے پہلے دور حکومت کے دوران اعتماد تھا کہ وہ درست کام کریں گے جبکہ ٹرمپ پر اعتماد صرف 32 فیصد رہ گیا۔

اسی طرح دوسرے اتحادی ملک کینیڈا کے 81 فیصد باسی باراک اوباما پر بھروسہ کیا کرتے تھے، تاہم ٹرمپ کے اعداد و شمار کم ہوکر 28 فیصد تک رہ گئے ہیں۔

ایک اور یورپی اتحادی جرمنی کے باشندوں کی سوچ تو اس سے بھی زیادہ تبدیل ہوگئی ہے، 88 فیصد جرمن شہری سیاہ فام امریکی صدر پر بھروسہ کرتے تھے تاہم اب صرف 13 فیصد جرمن شہری ٹرمپ کے اقدامات پر بھروسہ کرتے ہیں۔

دوسری جانب اگر ڈونلڈ ٹرمپ کے نظریے کی بات کی جائے تو ان پر بھروسہ کرنے والوں کے تناسب میں اضافہ ہوا ہے۔

قدامت پسند افراد ڈونلڈ ٹرمپ اور ان کے عالمی امور پر اٹھائے جانے والے اقدامات پر بھروسہ کرتے ہیں۔

فرانس میں 9 فیصد لبرلز کے مقابلے میں 30 فیصد قدامت پسند ٹرمپ کے اقدامات پر بھروسہ کرتے ہیں، کینیڈا کے 43 فیصد قدامت پسند جبکہ 13 فیصد لبرلز، کینیڈا 43 فیصد قدامت پسند اور صرف 13 فیصد لبرلز جبکہ اٹلی کے 50 فیصد قدامت پسند اور 15 فیصد لبرلز ہی یہ سمجھتے ہیں کہ ٹرمپ درست اقدامات کریں گے۔

امریکی حلیف ملک اسرائیل کے 86 فیصد قدامت پسند سمجھتے ہیں کہ ٹرمپ درست اقدامات کریں گے۔

پیو ریسرچ کا کہنا ہے کہ ان ممالک کے علاوہ بھی دیگر ممالک میں بسنے والے قدامت پسند افراد کے اعداد و شمار ڈونلڈ ٹرمپ کے حق میں ہیں۔

دلچسپ و عجیب سے مزید
خاص رپورٹ سے مزید