کامیڈین امان اللہ کی طبیعت بگڑ گئی، آئی سی یو منتقل

لاہور (ایجنسیاں) پرائیڈ آف پرفارمنس ایوارڈ یافتہ معروف کامیڈین امان اللہ جو گردوں اور سانس کی تکلیف کے باعث اسپتال میں زیرِ علاج ہیں طبیعت مزید بگڑنے پر انہیں آئی سی یو منتقل کردیا گیا ۔ تفصیلات کے مطابق12دن قبل وہ نمونیہ میں مبتلا ہو گئے تھے جنہیں ایک بار پھر نجی اسپتال میں داخل کرایاگیا جہاں ان کی طبیعت بہتر ہوئی تو انہیں 7 دن بعد ڈسچارج کر دیا گیا تاہم گھر جاتے ہی ان کی طبیعت ایک بار پھر بگڑ گئی جس پر انہیں اسپتال میں انتہائی نگہداشت کے یونٹ میں رکھا گیا ہے جہاں ڈاکٹرز نے انہیں وینٹی لیٹر پر منتقل کردیا ہے۔ امان اﷲ کے اہل خانہ نے قوم سے ان کی جلد صحت یابی کے لیے دعا کی اپیل کی ہے۔