فرانس: مظاہرین سے اظہار یکجہتی کا انوکھا انداز

یوں تو خطروں سے کھیلنا اور کچھ منفرد کر دکھانا ایڈونچر کے شوقین منچلوں کا پسندیدہ کھیل ہے، تاہم ان میں سے کچھ لوگ ایسے حیرت انگیز کارنامے انجام دیتے ہیں کہ دیکھنے والے حیران رہ جائیں۔

ویڈیو میں نظر آنے والے اس فرانسیسی شہری کا شمار بھی ایسے ہی کھلاڑیوں میں کیا جا سکتا ہے، جس نے فلمی ہیرو اسپائڈر مین کا انداز اپنایا اور مظاہرین کی حمایت میں پیرس کی48 منزلہ بلند و بالا عمارت پر چڑھ گیا۔

فرانس سے تعلق رکھنے والے57 سالہ Alain Robert نامی شخص بغیر کسی حفاظتی اقدامات کے پیرس میں قائم Total Towe کی 187میٹر بلند عمارت پر یوں تیزی سے چڑھا کہ جیسے حقیقتاََ اسپائیڈر مین ہو۔

فرانسیسی اسپائیڈر مین کے اس کارنامے کا مقصد فرانس میں جاری پینشن اصلاحات کیخلاف مظاہرین کی حمایت کرنا ہے۔