آپ آف لائن ہیں
جمعرات6؍ صفر المظفّر 1442ھ24؍ستمبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ڈرگس گینگز کی گرومنگ سے بچانے کیلئے چیرٹی کو ادائیگی

لندن (جنگ نیوز) لندن میں لڑکوں کو ڈرگس گینگز کی گرومنگ سے بچانے کیلئے لندن کی ایک چیرٹی کو 120000 پونڈ دیئے گئے ہیں۔ سٹی آف لندن کے سٹی برج ٹرسٹ نے یہ رقم ایوارڈ کی ہے۔ یہ چیرٹی لندن اور دیگر شہروں میں بچوں کو منشیات کی سمگلنگ اور تقسیم کرنے کیلئے بچوں کو مجبور کیے جانے کے واقعات میں اضافے کی اطلاع دے رہی ہے۔یہ فنڈز نیوہم بیسڈ پروجیکٹ میں ریفر کیے جانے والے لڑکوں کو ون ٹو ون سپورٹ کیلئے ادا کیے جائیں گے جس سے انہیں مینٹل ہیلتھ سپورٹ اور خود کو نقصان سے بچانے کیلئے رسائی مل سکے گی۔ چلڈرن سوسائٹی میں ہیلن لیڈبیٹر نے کہا یہ افسوس کی بات ہے کہ بہت سے بچے متاثرین کی حیثیت سے سپورٹ کے بجائے مجرمانہ سلوک کا شکار ہو جاتے ہیں اور وہ استحصال کے اس دور سے بچنے اور صدمے سے نجات پانے کیلئے ان کی مدد حاصل نہیں کرتے ہیں ۔

یورپ سے سے مزید