ایک ہفتے میں 60افرادبازیاب

کوئٹہ( آن لائن )بلوچستان کے مختلف علاقوں سے لاپتہ افراد کی بازیابی کا سلسلہ جاری ایک ہفتے میں 60افراد بازیاب ہوگئے بلوچستان نیشنل پارٹی کے ساجد ترین ایڈووکیٹ نے تصدیق کردیا تفصیلات کے مطابق بلوچستان سے لاپتہ ہونے والے افراد کی بازیابی کاسلسلہ شروع ہوگیا ہے ایک ہفتے میں 60افراد بازیاب ہوکر اپنے گھر پہنچ گئے بازیاب ہونے والے افراد کا تعلق تربت،پنجگور،تمپ، بلیدہ، خضدار،نوشکی،ڈیرہ مراد جمالی،ہرنائی،کوئٹہ،مستونگ،پڑنگ آباد،ماشکیل سے ہیں بلوچستان نیشنل پارٹی کے مرکزی سینٹرل کمیٹی کے ممبرساجدترین ایڈووکیٹ نے ایک ہفتے میں 60افراد کی بازیابی کی تصدیق کرتے ہوئے کہا ہے کہ بلوچستان نیشنل پارٹی نے جو 6نکات ر کھے تھے حکومت وقت کے سامنے سر فہرست لاپتہ افراد کی بازیابی ہے اسی نکات کا تسلسل شروع ہوا ہے لاپتہ افراد کی بازیابی خوش آئند ہے ہم نے پہلے دن سے کہا ہے کہ جو شخص کسی بھی دہشتگردی میں ملوث ہے ان کو عدالتوں میں پیش کیا جائے بلوچستان نیشنل پارٹی بلوچستان کے عوام کی ترجمان جماعت ہے اور گوادر قانون سازی بل پر تحریک ا نصاف نے حمایت کر دی ہے بلوچستان کا مسئلہ بندوق نہیں مذاکرات سے حل ہوگا بلوچستان نیشنل پارٹی اپنے ساحل وسائل کی حق سے کبھی دستبردار نہیں ہونگے ہم مزید توقع رکھتے ہیں وفاقی حکومت سے کہ ہمارے باقی 5 نکات پر بھی عملدرآمد شروع کرے ہمیں وزارتیں اور مراعات نہیں چاہیے ۔