آپ آف لائن ہیں
جنگ ای پیپر
پیر22؍ جمادی الثانی 1441ھ 17؍فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

فیصل آباد، گھر میں ڈکیتی کے دوران 2 بہنوں سے مبینہ زیادتی

فیصل آباد میں ایک گھر میں ڈکیتی کی واردات کے دوران مسلح افراد نے 12 اور 14 سالہ دو بہنوں کو مبینہ زیادتی کا نشانہ بنا ڈالا ۔

پولیس کے مطابق واقعہ نواحی گاؤں 379 گ ب میں پیش آیا، جبکہ واقعے کی ایف آئی آر تھانہ روڈالہ میں درج کر لی گئی ہے۔

ایف آئی آر کے مطابق رخسانہ نامی خاتون نے پولیس کو درخواست دی ہے کہ 5 مسلح افراد نے رات کے وقت انکے گھر میں داخل ہو کر لوٹ مار کی اور اس دوران اسلحہ کے زور پر اس کی 14 اور 12 سالہ بیٹیوں کو جنسی زیادتی کا نشانہ بھی بنایا ۔

ایف آئی آر کے مطابق ملزمان گھر سے 20 ہزار کی نقدی اور طلائی زیورات لوٹ کر فرار ہو گئے۔

علاقہ پولیس نے مقدمہ درج ہونے کے بعد متاثرہ خاندان کی شناخت پر ایک ملزم کو گرفتار کر لیا ہے جبکہ باقی ملزمان کی تلاش جاری ہے ۔

قومی خبریں سے مزید