آپ آف لائن ہیں
جمعہ3؍رجب المرجب 1441ھ 28؍فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

پیٹ کے کیڑے مارنے کی دوا پی کر 25 طلبہ بےہوش

پیٹ کے کیڑے مارنے کی دوا پی کر 25 طلبہ بےہوش


اسلام آباد کے ایک اسکول کے 25 بچے بے ہوش ہوگئے جنہیں این آئی ایچ اسپتال منتقل کردیا گيا ہے۔

اسکول پرنسپل کے مطابق 70 بچوں کو آج پیٹ کے کیڑے مارنے کی دوا دی گئی۔

اسکول کے پرنسپل اشفاق نے بتایا کہ پیٹ کے کیڑے مارنے کی دوا کی میعاد 2023 تک تھی۔

ان کا کہنا تھا کہ والدین نے بچوں کو اپنی مدد آپ کے تحت اسپتال پہنچایا۔

ذرائع کا کہنا ہے کہ اس معاملے میں تحقیقات کی جارہی ہیں کہ دوا زائد المیعاد تھی یا پھر کوئی اور معاملہ تھا۔

اسکول حکام نے بتایا کہ ابتدا میں 15 بچے بے ہوش ہوئے، جنہیں قریبی بنیادی مرکزِ صحت منتقل کیا گیا۔

این آئی ایچ حکام کے مطابق 2 بچےحالت زیادہ بگڑنے پر فیڈرل گورنمنٹ اسپتال این آئی ایچ لائے گئے تھے تاہم اب ان کی حالت خطرے سے باہر ہے۔

ذرائع کا کہنا ہے کہ مجموعی طور پر 25 بچے بے ہوش ہوئے جنہیں اسپتال لے جایا گیا۔

قومی خبریں سے مزید
صحت سے مزید