آپ آف لائن ہیں
جنگ ای پیپر
جمعرات2؍رجب المرجب 1441ھ 27؍فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

وزیراعظم سے پی ٹی آئی پنجاب کے ارکان قومی اسمبلی کی ملاقات

وزیراعظم سے پی ٹی آئی پنجاب کے ارکان قومی اسمبلی کی ملاقات


وزیراعظم عمران خان سے پی ٹی آئی کے پنجاب سے منتخب ارکان قومی اسمبلی نے ملاقات کی۔

پی ٹی آئی ارکان اسمبلی نے وزیر اعظم کو اپنےحلقوں میں عوام کے سماجی و ترقیاتی مسائل کے حل میں مشکلات سے آگاہ کیا۔

وزیر اعظم عمران خان نے کہا کہ میں واضح کر دینا چاہتا ہوں کہ ہم ہرگز دباؤ میں نہیں آئیں گے۔

یہ بھی پڑھیے: وزیراعظم کل کراچی آئیں گے

عمران خان نے کہا کہ ہمیشہ چیلنجز کا سامنا کیا ہے اور انشاءاللّٰہ آئندہ بھی کریں گے۔

انہوں نے کہا کہ ایک منظم مافیا معاشرے میں حکومت کے خلاف منفی تاثر کو فروغ دے رہا ہے، یہ وہی عناصر ہیں جو دہائیوں سے مذموم مقاصد کے لیے عوام کو گمراہ کر رہا ہے۔

وزیراعظم نے کہا کہ ہماری انتظامی تبدیلی کو ناکام بنانےکے لیےجان بوجھ کر افراتفری کی باتیں کی جاتی ہیں۔

عمران خان نے کہا کہ پہلی بار بڑے جرائم پیشہ عناصر اور قبضہ مافیا قانون کی گرفت میں آئے ہیں۔

اس سے قبل  وزیراعظم سے وزيراعلیٰ پنجاب عثمان بزدار نے ملاقات کی جس میں پنجاب کی مجموعی صورتحال کے علاوہ عوام کو سہولتوں کی فراہمی اور ترقیاتی امور پر گفتگو کی گئی۔

وزیراعظم نے ہدایت کی کہ عام آدمی کو ریلیف پہنچانے میں کوئی کسر نہ چھوڑی جائے، قبضہ مافیا، منافع خوروں اور ذخیرہ اندوزوں سے سختی سے نمٹا جائے۔

عمران خان کا  وزیر اعلیٰ پنجاب کو ہدایت دیتے ہوئے کہنا تھا  کہ صوبے کے عوام کو ریلیف دینے میں کوئی کسر نہ چھوڑی جائے جبکہ صوبائی وزراء اپنے محکموں میں گڈ گورننس کو یقینی بنائیں۔

وزیر اعظم نے کہا کہ قبضہ مافیا، منافع خوروں اور ذخیرہ اندوزوں سے سختی سے نمٹاجائے، انہیں کسی صور ت نہیں چھوڑا جائے۔

قومی خبریں سے مزید