فرمان الہی
نماز کے اوقات
موٹر وے بھیرہ انٹر چینج کے قریب مسافر وین میں آگ لگنے سے 11 افراد جاں بحق اور 6 شدید زخمی ہو گئے۔
پولیس ذرائع کے مطابق مسافر وین فیصل آباد سے 17 سے 18 مسافروں کو لے کر اسلام آباد جا رہی تھی۔
موٹروے بھیرہ انٹر چینج کے قریب وین کا ٹائر پھٹ گیا جس کے باعث وہ سڑک کنارے لگے سائن بورڈ سے ٹکرا گئی جس سے وین میں موجود گیس سلنڈر پھٹ گیا۔
یہ بھی پڑھیئے: لاہور، ایس ایچ او کی 6 ماہ کی بیٹی جھلس کر جاں بحق
یہ بھی پڑھیئے: وندر، کوچ اور وین میں تصادم، 6 افراد جھلس کر جاں بحق
حادثے کے باعث 4 مرد، 2 خواتین اور 1 بچے سمیت 11 مسافر جاں بحق ہوگئے جبکہ 6 افراد زخمی بھی ہوئے ہیں۔
ریسکیو کی ٹیمیں موقع پر پہنچ گئیں جنہوں نے لاشوں اور زخمیوں کو حادثے کا شکار گاڑی سے نکال کر بھلوال اور بھیرہ کے اسپتالوں میں منتقل کر دیا ہے۔
