فرمان الہی
نماز کے اوقات
کراچی (جنگ نیوز) پاکستان میں حکمرانی کرنا مشکل کیوں ہے؟۔ اِس موضوع پر اتوار کو ”جیونیوز“ کے پروگرام ”جرگہ“ میں سینئر سیاستدانوں سے اہم اور سنجیدہ گفتگو ہوگی۔ شو کے دوران سینیٹر مشاہد حسین سید، قمرزمان کائرہ اورسینیٹر انوارالحق کاکڑ اپنے خیالات کا اظہار کریں گے۔”جرگہ“ شب 10 بجکر5منٹ پر نشر ہوگا ۔ سینئر صحافی اور تجزیہ کار سلیم صافی پروگرام کے میزبان ہیں۔ ٭ صوبائی وزیر توانائی ڈاکٹر محمد اختر اور (ڈمی) شیخ رشیدکی ”خبرناک“ آمد ہوگی۔ شو کے دوران گفتگو کرتے ہوئے صوبائی وزیر کا کہنا تھا کہ فواد چوہدری کی زبان اور وقت دونوں نان اسٹاپ چلتے ہیں۔ دوسری طرف (ڈمی) شیخ رشید نے کہا کہ ریلوے کو گود لیا ہے اسے یتیم نہیں کروں گا، کپتان میری قربانیوں تلے دبا ہوا ہے، سیاست اور بیگم سے لڑائی اکٹھی شروع ہوئی۔ ناظرین ایک سیگمنٹ دلہن کی انوکھی فرمائش،”بنگلہ نہ گاڑی“ بھی ملاحظہ کریں گے۔ طنز و مزاح سے بھر پور ”خبرناک“ علی میر اور عائشہ جہانزیب کے ساتھ رات11 بجکر5منٹ پر دکھایا جائے گا۔
