آپ آف لائن ہیں
جنگ ای پیپر
بدھ یکم رجب المرجب 1441ھ 26؍ فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

سی اے ایس الپائن اسکی کپ:سلالم کیٹیگری میں یوکرائنی اسکیئرز چھائے رہے


چیف آف دی ائیر اسٹاف قراقرم انٹرنیشنل الپائن اسکی کپ کی سلالم کیٹیگری میں تینوں میڈلز یوکرائن کے اسکیئرز نے جیت لیے، خواتین کے ایونٹ میں پاکستان کی خوشیم کامیاب رہیں۔

مالم جبہ اسکی ریزورٹ میں چوتھے چیف آف دی ائیر اسٹاف قراقرم انٹرنیشنل الپائن اسکی کپ کی سلالم کیٹیگری کے مقابلوں میں یوکرائن کے اسکیئرز چھائے رہے اور تینوں میڈلز اپنے نام کرلیے۔ ویٹالی ایب نے طلائی، نازاری پیٹرک نے چاندی اور مائیکولا ڈیچوک نے کانسی کا تمغہ جیتا۔

جائنٹ سلالم کیٹیگری میں سونے کے دو تمغے جیتنے والی پاکستانی اسکیئرخوشیم صاحبہ نے سلالم کیٹیگری میں بھی سونے کا تمغہ جیت لیا۔

نیشنل اسکی چیمپئن شپ کے مقابلوں میں پاک فضائیہ کے محمد کریم نے سلالم کیٹیگری میں سونے اور گلگت بلتستان اسکاؤٹس کے میر نواز نے چاندی کا تمغہ حاصل کیا ۔

جائنٹ سلالم کیٹیگری میں بھی محمد کریم نے سونے اورمیر نواز اور زاہد عباس نے بالترتیب چاندی اور کانسی کے تمغے حاصل کئے۔

کھیلوں کی خبریں سے مزید