چولستان جیپ ریلی میں فیروز خان کی شرکت، دوسری پوزیشن حاصل کرلی

حال ہی میں اپنا انسٹاگرام اکاؤنٹ ڈیلیٹ کرکے اور روحانی سفر کا آغاز کرنے کے حوالے سے خبروں میں رہنے والے فیروز خان نے 15ویں چولستان جیپ ریلی میں شرکت کی ۔

اسٹاک گاڑیوں کی بی کیٹیگری میں دوسرا نمبر حاصل کرنے والے سلطان محمد بہادر کے ہمراہ وہ بھی شریک تھے۔

ٹوئٹر پر انہوں نے ٹرافی کے ساتھ ایک تصویر بھی شیئر کی۔

اس سے قبل انہوں نے سلطان محمد خان کے ہمراہ جیپ میں بیٹھے ایک ویڈیو بھی شیئر کی تھی۔

یاد رہے کہ گزشتہ دنوں پاکستان ٹی وی و فلم انڈسٹری کے معروف اداکار کی جانب سے اچانک انسٹاگرام اکاؤنٹ کے ڈیلیٹ کئے جانے اور اہلیہ کی جانب سے روحانی سفر کے لیے نیک تمناؤں کے پیغام نے فیروز کے مداحوں کو حیرت میں مبتلا کردیا تھا۔

فیروز خان کی زندگی کیسے تبدیل ہوئی؟

پاکستان ٹی وی و فلم انڈسٹری کے معروف اداکار کی جانب...

واضح رہے کہ جیو ٹی وی کے ڈرامے ’خانی‘ سے شہرت کی بلندیوں پر پہنچنے والے فیروز خان کا ڈرامہ ’عشقیہ‘ آج کل نجی چینل سے آن ائیر ہو رہا ہے۔

اداکار فیروز خان نے روحانی سفر کا آغاز کردیا

کراچی (ایجنسیاں)پاکستان فلم اور ڈرامہ انڈسٹری کے...

عیدالفطر میں ریلیز ہونے والی فلم ’ٹچ بٹن‘ میں بھی فیروز خان اپنی اداکاری کے جوہر دکھائیں گے۔