ابتدائی میچز ہار کر بھی ٹیم کم بیک کرسکتی ہے، ڈیوڈ ملان

پی ایس ایل کی ٹیم اسلام آباد یونائیٹڈ کے کھلاڑی ڈیوڈ ملان کا کہنا ہے کہ یہ ایک لمبا ٹورنامنٹ ہے، ابتدائی میچز ہار کر بھی ٹیم کم بیک کرسکتی ہے۔

کراچی میں ڈیوڈ ملان نے پریس کانفرنس کے دوران گزشتہ رات اسلام آباد یونائیٹڈ کی کوئٹہ گلیڈی ایٹرز کے ہاتھوں شکست سے متعلق کہا کہ ہماری ٹیم پندرہ رنز کم بنا پائی، ہمارے ذہن میں ایک سو اسی رنز کا ہدف تھا، جو ہماری پوزیشن تھی ہمیں اچھا اسکور کرنا چاہیے تھا۔

پی ایس ایل 5: کوئٹہ نے اسلام آباد کو ہرا دیا

نیشنل اسٹیڈیم کراچی میں کھیلے گئے میچ میں اسلام آباد یونائیٹڈ نے پہلے بیٹنگ کرتے ہوئے کوئٹہ گلیڈی ایٹرز کو جیت کے لیے 169 رنز کا ہدف دیا تھا جسے کوئٹہ نے 18 اعشاریہ 3 اوور میں عبورکرلیا

ڈیوڈ ملان نے کہا کہ ابتدائی دس اوورز میں ہم نے اچھی بولنگ کی لیکن فیلڈنگ کی غلطیاں ہمیں بھاری پڑیں۔

انہوں نے کرکٹ شائقین سے متعلق کہا کہ پاکستانی فینز دس بارہ سال سے کرکٹ کی بھوک میں تھے ، یہ ٹورنامنٹ یہاں ہونا ان فینز کا حق تھا، خوشی کی بات ہے کہ سب غیر ملکی بھی یہاں آئے ، پی ایس ایل ٹاپ ٹورنامنٹ ہے، انگلش کرکٹرز یہاں کھیل کر پرجوش ہیں۔

پی ایس ایل کا افتتاحی میچ غیرملکی اوپنرز کیلئے مایوس کن

پاکستان سپر لیگ سیزن 5 کے پہلے میچ میں دونوں ٹیموں کے غیرملکی اوپنرز صفر پر آؤٹ ہوئے

ڈیوڈ ملان کا کہنا تھا کہ پشاور کے ساتھ تین ٹورنامنٹ کھیلے ، زلمی کے ساتھ رہ کر میری کرکٹ کافی بہتر ہوئی، پاکستان سپر لیگ کھیل کر میرا کھیل ابھرا اور میں نے انٹرنیشنل کرکٹ کھیلی ۔

کانفرنس کے دوران انہوں نے کہا کہ کرکٹ کا حصہ ہے کہ کبھی کسی پلیئر کی پٹائی ہوتی ہے کبھی وہ اچھا کھیلتا ہے، اعظم خان نے کچھ شاٹس بہت اچھے کھیلے۔

ڈیوڈ ملان کا مزید کہنا تھا کہ میں انگلینڈ کے ساتھی کرکٹرز کو صرف اپنی رائے دے سکتا ہوں، اگر انگلینڈ کی ٹیم پاکستان کا دورہ کرتی ہے تو اس کا حصہ بننا اچھا لگے گا، اگر انگلینڈ کی ٹیم پاکستان نہیں آتی تو مایوسی ہوگی۔