آپ آف لائن ہیں
پیر5؍شعبان المعظم 1441ھ 30؍مارچ 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

دورہ بھارت، ٹرمپ پاکستان سے کشیدگی کم کرنے پر زور دینگے

امریکا کے صدر ڈونلڈ ٹرمپ  کادورہ بھارت


امریکا کے صدر ڈونلڈ ٹرمپ دورہ بھارت میں اقلیتوں سے بدترین امتیازی سلوک اور مذہبی آزادیوں پر پابندیوں کا معاملہ بھی اٹھائیں گےاور زور دیں گے کہ پاکستان سے کشیدگی کم کی جائے۔

وائٹ ہاؤس انتظامیہ نے تصدیق کی ہے کہ بھارت کے دورے میں نہ صرف اقتصادی اور فوجی صلاحیت بڑھانے پر بات ہو گی بلکہ وہ مودی سرکار پر زور دیں گے کہ قانون کی بالادستی یقینی بنائی جائے اور تمام مذاہب کے افراد کے ساتھ برابری کا سلوک کیا جائے۔

ذرائع کے مطابق ٹرمپ کی جانب سے اس بات پر بھی زوردیا جائے گا کہ پاکستان اور بھارت کےدرمیان لائن آف کنٹرول پر استحکام کی فضاء پیدا کی جائے۔

وائٹ ہاؤس کے اہلکار کا کہنا ہے کہ امریکا کی توجہ افغانستان میں امن عمل پر مرکوز ہے اور اس کی خواہش ہے کہ علاقائی طاقتیں اس عمل میں امریکا کی مدد کریں۔

ٹرمپ کے دورے میں دوطرفہ مسائل اوراختلافات ڈائیلاگ سے حل کیے جانے پر بھی زور دیا جائے گا ۔

بین الاقوامی خبریں سے مزید