آپ آف لائن ہیں
منگل20؍ذی الحج 1441ھ 11؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سعودی عرب کی ترقی میں پاکستانی کیمونٹی کا بھی اہم کردار ہے، عبد اللہ بن احمد الطاوی

جدہ میں پاکستان کے قونصل جنرل خالد مجید نے گزشتہ دنوںوزارت محنت و سماجی ترقی (مکہ مکرمہ ریجن) کے ڈائریکٹر جنرل عبد اللہ بن احمد الطاوی سے ملاقات کی۔ قونصل جنرل نے سعودی عرب میں کام کرنے والے پاکستانیوں کے مفادات کی نگہداشت کے لئے وزارت محنت کی کوششوں پرخراج تحسین پیش کیا۔ عبد اللہ نے جدہ میں بطور قونصل جنرل تقرری پر خالد مجید کا خیرمقدم کیا۔ 

ڈی جی محنت و سماجی ترقی نے سعودی عرب کی ترقی میں پاکستانی برادری کے کردار کو سراہا۔ انہوں نے قونصل جنرل کو اپنی وزارت سے متعلق کسی بھی معاملے کے حل کے لئے اپنی مکمل حمایت کا یقین دلایا۔ملاقات میں پاکستانی کارکنوں سے متعلق مختلف امور اور ان کےجلد حل کے طریقوں پر تبادلہ خیال ہوا۔دونوں ممالک کے مابین انتہائی خوشگوار تعلقات کا ذکر کرتے ہوئے ، دونوں نے مستقل ادپارہ جاتی میکانزم کے ذریعے اسی جوش و جذبے کے ساتھ کام جاری رکھنے کا عزم کیا۔

بلادی سے مزید