آپ آف لائن ہیں
اتوار11؍شعبان المعظم 1441ھ 5؍اپریل 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

سابق وزیر اعظم ریاست آزاد جموں کشمیر سردار عتیق الرحمان نے کہا ہے کہ یہ خوش آئند بات ہے کہ کشمیر کمیٹی دیار غیر میں پاکستانی سفارتکاروں کی حمائت سے مسئلہ کشمیر کو زندہ رکھے ہوئے ہے۔ رابطہ عالم اسلامی نے OIC کے تعاون سے مسئلہ کشمیر کو اجاگر کیا ۔ انہوں نے کہا کہ مرحوم سردار عبدالقیوم دونوں طرف کے کشمیری عوام میں تعلقات کو فروغ کیلئے ایک دوسرے سے ملے ۔ جب آزاد کشمیر کے ساتھ جموں اور کشمیر کی بات ہوتی ہے تو جدوجہد کشمیر آشکار ہوتی ہے ۔رابطہ عالم اسلامی کی کوششوں سے مسئلہ کشمیر یورپی یونین اور دیگر عالمی اداروں میں زندہ ہے۔ سردار عتیق نے کہا کہ بھارت رات کے اندھیرے میں دو کوے مار کر بغل بجاتا رہا جبکہ پاکستان نے میزائلوں سے چارسو سے زیادہ ہندوستانی فوجیوں کو جہنم رسید کیا ۔

سردار عتیق نے کہا کہ ہمارا مسئلہ یہ ہے کہ ہم نے کشمیر کی جدوجہد کو حق خود ارادیت تک محدود رکھا ہے۔ آزاد کشمیر اور مقبوضہ کشمیر کے عوام کی محبت کا اندازہ اس بات سے لگایا جاسکتا ہے کہ ان کی گھڑیوں کے وقت پاکستان کے وقت سے ملتے ہیں ۔بھارت بہت تیزی سے مقبوضہ کشمیر میں ناکامی کی طرف بڑھ رہا ہے۔صورتحال ہر گز مایوس کن نہیں بلکہ حوصلہ افزاء ہے۔ تقریب سے او آئی سی میں پاکستان کے نمائندے سفیر رضوان سعید شیخ ،اوورسیز کشمیر کمیٹی کے چئیرمین سردار اشفاق ،خورشید متیال،سردار وقاص عنایت نے بھی خطاب کیا ۔تقریب میں قونصل جنرل پاکستان جدہ خالد مجید اور دیگر سفارتکاروں نے بھی شرکت کی ۔

بلادی سے مزید