نوازشریف کو زندہ رہنے کے حق سے محروم کیاجارہا ہے، شہبازشریف

صدرمسلم لیگ (ن) شہبازشریف کا کہنا ہے کہ نوازشریف کو زندہ رہنے کے حق سے محروم کیا جا رہا ہے۔

نواز شریف کی ضمانت میں توسیع کی اجازت سے انکار

پنجاب کابینہ نے سابق وزیرِ اعظم میاں نواز شریف کی ضمانت میں توسیع کی اجازت سے انکار کر دیا۔

پنجاب کابینہ کا سابق وزیر اعظم  نوازشریف کی ضمانت میں توسیع نہ دینے کےفیصلے کی مذمت کرتے ہوئے شہباز شریف نے اپنے ایک بیان میں کہا ہے کہ پنجاب حکومت کا فیصلہ حکمرانوں کی کم ظرفی اور سیاسی انتقام کا ثبوت ہے، علاج کسی بھی انسان کا بنیادی اور قانونی حق ہے، نوازشریف کے علاج پر سمجھوتہ نہیں کریں گے۔

نواز شریف 16 ہفتے بعد بھی کسی اسپتال میں داخل نہیں ہوئے،راجہ بشارت

وزیر قانون پنجاب راجہ بشارت کی کابینہ اجلاس کے بعد لاہور میں پریس کانفرنس کے دوران کہا ہے کہ کابینہ اجلاس میں نواز شریف کی ضمانت میں توسیع کا معاملہ زیر بحث آیا، نواز شریف کو کچھ شرائط پر ضمانت دی گئی تھی جس کے بعد نواز شریف کی ضمانت میں توسیع 16 ہفتے تک ہو گئی ہے

شہبازشریف نے کہا کہ پنجاب حکومت نے نوازشریف کے بیرون ملک علاج کے لیے رپورٹ پر دستخط کئے تھے، آج پنجاب حکومت نے سیاسی انتقام کی بناء پر اپنے ہی فیصلے کے خلاف فیصلہ دیا، پنجاب حکومت کا یہ جھوٹ قابل مذمت ہے کہ نوازشریف کا علاج یہاں ممکن تھا۔

انہوں نے کہا کہ حکمرانوں کی کم ظرفی اور چھوٹے پن کا احساس تھا اس لیے عدالت گئے تھے، نوازشریف کے علاج، ٹیسٹ کی رپورٹس نظام الاوقات کے مطابق جمع کرائی گئیں، ڈاکٹرز کی ہدایات کے مطابق نواز شریف کا علاج جاری رکھیں گے ۔