پیوٹن نے روسی آئین میں خدا کے وجود کو شامل کرنے کی تجویز دیدی

03 مارچ ، 2020

ماسکو (اے ایف پی) روس کے صدر ولادی میر پیوٹن نے پارلیمنٹ کو آئین میں تبدیلیاں تجویز کی ہیں۔ ان میں خدا کے وجود کو تسلیم کرنا اور متفاوت (جنس مخالف سے شادی) شامل ہیں، ہم جنس پرستی کی مخالفت کی گئی۔

ترامیم میں کہا گیا ہےکہ مرد اور عورت کی شادی کا تعین خدا نے کیا ہے۔ صدر پیوٹن نے گزشتہ جنور ی میں آئین مکمل تبدیل کردینے کی بات کی تھی جس سے ایک طوفان اٹھ کھڑا ہوا تھا اب صدر نے 1993ء کے بعد روسی آئین میں بنیادی تبدیلیاں تجویز کی ہیں۔

روسی ایوان زیریں نے دو گھنٹے کی بحث میں آئینی اصلاحات بل منظور کرلیا۔ 24؍ صفحات پر مشتمل نئی تجاویز کا دوسرا مطالعہ ایک ہفتے کے اندر ہوگا۔

روسی پارلیمنٹ ڈوما کے اسپیکر ویاچی سلاف ولووڈن کے مطابق صدر پیوٹن کی جانب سے آئینی اصلاحات کی تجاویز معاشرے کے تمام نمائندہ طبقات کے بعد صلاح و مشورے سے سامنے آئیں۔

تجاویز میں خدا پر ایمان جیسے الفاظ کو آئین میںشامل کرنے کے لئے کہا گیا ہے۔ زیادہ تر روسی آرتھوڈوکس عیسائی ہیں لیکن روس سرکاری طور پر لادین ریاست ہے۔

تازہ ترین