ڈیرن سیمی کی قمیض شلوار میں تصویریں وائرل

ویسٹ انڈین کرکٹر اور پاکستان سُپر لیگ کی فرنچائز پشاور زلمی کے کوچ ڈیرن سیمی کی پاکستان کے قومی لباس میں تصویریں سوشل میڈیا پر مقبول ہو رہی ہیں۔

سماجی رابطے کی ویب سائٹس پر ڈیرن سیمی نے سفید قمیض شلوار میں ملبوس تصویریں اور ویڈیو اپلوڈ کیں جو دیکھتے ہی دیکھتے وائرل ہوگئیں۔

’زندگی بہتر ہے‘ کا کیپشن دیتے ہوئے ڈیرن نے ایک ویڈیو شیئر کی۔

ڈیرن سیمی کے مداحوں کے ساتھ ساتھ پشاور زلمی کے چیئر مین جاوید آفریدی، ساتھی کھلاڑی شعیب ملک نے بھی ڈیرن سیمی کی شیئر کردہ تصویروں پر کمنٹس کرکے اپنی پسندیدگی کا اظہار کیا۔

واضح رہے کہ پشاور زلمی کی انتظامیہ نے ڈیرن سیمی کو دوران ایونٹ ہی ٹیم کی کپتانی سے ہٹا کر کوچ بنادیا۔

ڈیرن سیمی کو کپتانی سے ہٹاکر پشاور زلمی کا کوچ بنادیا گیا

آج میں شاید پشاور زلمی کے لیے بطور کھلاڑی آخری مرتبہ کھیلوں، اب وقت آگیا ہے کہ میں ٹیم کو مختلف رول میں لیڈ کروں، ڈیرن سیمی

ٹیم کی قیادت وہاب ریاض کے سپرد کردی گئی ہے جبکہ محمد اکرم کو ہیڈ کوچ کے عہدے سے ہٹا کر ڈائریکٹر کرکٹ بنادیا گیا ہے۔