فرمان الہی
نماز کے اوقات
لاہور کے علاقے گرین ٹاؤن میں نامعلوم ملزمان کی گھر میں گھس کر فائرنگ کے نتیجے میں 4 افراد جاں بحق جبکہ ایک زخمی ہوگیا، واردات کے بعد ملزمان فرار ہوگئے۔
پولیس کے مطابق گرین ٹاؤن کے علاقے میں پنجاب ہاؤسنگ سوسائٹی کے ایک گھر میں نامعلوم ملزمان نے فائرنگ کرکے باپ اور اس کے 3 بچوں کو قتل کردیا۔
پولیس کے مطابق مقتولین میں اسحاق، اس کا بیٹا ابوذر، بیٹیاں حسنہ اور عاتکہ شامل ہیں جبکہ ایک بیٹا ملزمان کی فائرنگ سے زخمی بھی ہوا جسے جناح اسپتال منتقل کردیا گیا۔
ایس پی صدر غضنفر شاہ نے میڈیا کو بتایا کہ واردات کے وقت گھر میں 7 افراد موجود تھے جن میں سے مقتول کی بیوی اور اس کی بھتیجی محفوظ رہیں۔
ابتدائی تحقیقات میں واقعہ دیرینہ دشمنی کا نتیجہ لگتا ہے تاہم تمام پہلوؤں سے تحقیقات کی جائیں گی، فرانزک ٹیموں نے شواہد اکٹھے کرکے مقتولین کی لاشوں کو پوسٹ مارٹم کے لیے سرد خانہ منتقل کردیا۔
