فرمان الہی
نماز کے اوقات
وزیرِ اعظم عمران خان کی معاونِ خصوصی برائے اطلاعات و نشریات ڈاکٹر فردوس عاشق اعوان کا کہنا ہے کہ کورونا وائرس سے بچاؤ کے لیے ہمارے بروقت اقدامات کی گواہی ڈبلیو ایچ او بھی دے رہا ہے۔
سماجی رابطے کی ویب سائٹ ٹوئٹر پر اپنے بیان میں فردوس عاشق اعوان نے کہا کہ کورونا وائرس کے بین الاقوامی چیلنج سے نبرد آزما ہونے کے لیے حکومت نے عوام کے مفاد، تحفظ اور سلامتی کے لیے اقدامات اٹھائے ہیں۔
انہوں نے کہا کہ قومی یکجہتی اور ہم آہنگی کے ساتھ ایک ہو کر اس وائرس کو شکست دیں گے، مشکل وقت ہے، لیکن ہماری قوم ہر آزمائش میں سرخرو ہوئی ہے۔
یہ بھی پڑھیئے: کراچی میں لاک ڈاؤن کی خبر میں صداقت نہیں، ناصر حسین
فردوس عاشق اعوان نے کہا کہ وزیرِ اعظم عمران خان کورونا وائرس کے تدارک کے لیے اٹھائے جانے والے اقدامات کی خود نگرانی کر رہے ہیں۔
انہوں نے مزید کہا کہ عوام کورونا وائرس سے متعلق ہدایات اور احتیاطی تدابیر پر لازمی عمل کریں، معاشی طور پر مستحکم اور شعبۂ طب میں بہتر نتائج رکھنے والی اقوام نے بھی احتیاطی تدابیر اپنائی ہیں۔
وزیرِ اعظم عمران خان کی معاونِ خصوصی برائے اطلاعات و نشریات ڈاکٹر فردوس عاشق اعوان کا یہ بھی کہنا ہے کہ کورونا سے بچاؤ کے لیے ہمارے بروقت اقدامات کی گواہی ڈبلیو ایچ او بھی دے رہا ہے۔
