کورونا، پولیس نے پمز اسپتال میں ناقص انتظامات کا بھانڈا پھوڑ دیا

پنجاب پولیس کے ایک ڈی آئی جی نے پمز اسپتال میں کورونا آئسولیشن وارڈ میں ناقص انتظامات کا بھانڈا پھوڑ دیا۔ ان کا بیٹا کورونا کے شبہ میں پمز اسپتال داخل ہے۔

اسپتال میں طبی اور صفائی کے ناقص انتظامات کی نشاندہی کرتے ہوئے ڈی آئی جی پنجاب پولیس کا کہنا ہے کہ ان کا بیٹا دو روز سے اسپتال میں داخل ہے، جسے پینا ڈول تک نہیں دی گئی۔

انہوں نے بتایا کہ 48 گھنٹے گزرنے کے باوجود کسی زیر علاج مریض کو ٹیسٹ رپورٹ تک نہیں دی جارہی۔ وفاقی دارالحکومت کے سب سے بڑے اسپتال کے آئسولیشن وارڈ میں صورتحال انتہائی خراب ہے، حکومت نوٹس لے۔