جدہ میں بھی کرفیو کا دورانیہ بڑھا دیا گیا

سعودی عرب کے شہروں ریاض، مکہ مکرمہ اور مدینہ منورہ کے بعد جدہ میں بھی کرفیو کا دورانیہ بڑھا دیا گیا۔

سعودی وزارتِ داخلہ کے مطابق کرفیو کا دورانیہ بڑھانے کا مقصد کورونا وائرس سے بچاؤ کے اقدامات کو مزید مؤثر بنانا ہے۔

سعودی عرب میں کورونا مریضوں کی تعداد 1200ہوگئی

ترجمان سعودی وزارت صحت نے کورونا وائرس سے متاثرہ ایک اور شخص کی ہلاکت کی تصدیق کردی۔

سعودی عرب کی وزارت داخلہ کا مزید کہنا ہے کہ مکہ مکرمہ، مدینہ منورہ، ریاض کے بعد جدہ میں بھی کرفیو سہ پہر 3 سے صبح 6 بجے تک ہوگا۔

سعودی وزارتِ داخلہ کا یہ بھی کہنا ہے کہ کرفیو کے دوران لوگوں کے گھروں سے نکلنے پر پابندی ہوگی۔

واضح رہے کہ سعودی عرب میں کورونا وائرس کا پہلا کیس یکم مارچ کو سامنے آیا تھا، وہاں کورونا کے مریضوں کی تعداد 1203 ہے جبکہ ہلاکتیں 4 ہوئی ہیں۔

یہ بھی پڑھیئے: کورونا، سعودی عرب میں 21 دن کا جزوی کرفیو نافذ

سعودی عرب میں کورونا وائرس سے متاثرہ 37 مریض صحت یاب ہو کر اپنے گھروں کو جاچکے ہیں جبکہ 6 مریضوں کی حالت تشویش ناک ہے۔