حکومت نے اتفاق رائے کی اپوزیشن کی کوشش سبوتاژ کردی، سراج الحق

امیر جماعت اسلامی سینیٹر سراج الحق نے کہا ہے کہ ڈاکٹرز اور نوجوان عزم کریں کہ کسی کو بھوکا اور بغیر علاج نہیں رہنے دینگے، یہ وقت تعصب اور نفرت کا نہیں آپس میں جڑنے اور متحد ہونے کا ہے۔

انہوں نے کہا کہ حکومت کا فرض تھا کہ متفقہ قومی لائحہ عمل تشکیل دیتی، قومی اتفاق رائے سے متفقہ بیانیہ ترتیب دینے کی بھی ضرورت تھی۔

 امیر جماعت اسلامی نے مزید کہا کہ اپوزیشن نے کوشش کی تھی مگر حکومت نے اسے سبوتاژ کردیا، ہم ڈاکٹرز اور پیرامیڈیکل اسٹاف کی خدمات کو خراج تحسین پیش کرتے ہیں، حکومت اب تک ڈاکٹروں اور پیرامیڈیکس کو حفاظتی سامان نہیں دے سکی ہے۔