آپ آف لائن ہیں
جمعہ8؍ جمادی الثانی 1442ھ 22؍ جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

صارفین کسی کو فون پر شناختی کارڈ نمبر یا دیگر تفصیلات نہ بتائیں، اسٹیٹ بینک

اسٹیٹ بینک آف پاکستان کی جانب سے اکاؤنٹ ہولڈرز کے لیے ہیلپ لائن کی سہولت میں اضافہ کردیا گیا ہے ۔

اسٹیٹ بینک کی جانب سے تمام بینکوں کو کال سینٹر اور ہیلپ لائن 24 گھنٹے متحرک کرنے کی ہدایت جا ری کی گئی ہے جبکہ عوام سے اپیل کی گئی ہے کہ فون کال پر اکاؤنٹس کی تفصیل مانگنے والے دھوکے بازوں سے ہوشیار رہیں۔

اسٹیٹ بینک کی جانب سے جاری کیے گئے اعلامیے کے مطابق اسٹیٹ بینک سمیت کوئی کمرشل بینک یا ادارہ اکاؤنٹس کی تفصیلات نہیں مانگ رہا۔

اعلامیے میں کہا گیا ہے کہ صارفین کسی کو فون پر شناختی کارڈ نمبر یا دیگر تفصیلات نہ بتائیں، کسی بھی پریشانی کی صورت میں اپنے بینک یا اسٹیٹ بینک کی ہیلپ لائن پر رابطہ کریں۔

تجارتی خبریں سے مزید