پنجاب کے وزیر خوراک کے استعفے کی اندرونی کہانی

پنجاب کے وزیر خوراک سمیع اللہ چودھری کے استعفے کی اندرونی کہانی سامنے آگئی۔ صوبائی وزیر خوراک سمیع اللہ چودھری کی وزیر اعلیٰ عثمان بزدار سے دو ملاقاتیں ہوئیں، وزیر اعلیٰ نے دوسری ملاقات میں استعفیٰ طلب کیا۔

وزیراعلیٰ عثمان بزدار سے سمیع اللہ چودھری کی دو ملاقاتیں ہوئیں، پہلی ملاقات میں ایف آئی اے کی رپورٹ پر بات کی گئی جس کے بعد وزیراعلیٰ نے اسلام آباد بات کرنے کے بعد سمیع اللہ چودھری کو بلایا اور استعفیٰ طلب کرلیا۔

سمیع اللہ چودھری کا کہنا تھا کہ رپورٹ میں صرف محکمے میں اصلاحات نہ کرنے کا ذکر ہے، انہوں نے کوئی بے ایمانی نہیں کی، تاہم وزیراعلیٰ کے کہنے پر انہوں نے استعفیٰ دیا اور کہا کہ ان کا استعفیٰ رضاکارانہ بتایا جائے۔