اسپین میں مزید 743 اموات، مجموعی تعداد 13 ہزار 700 سے زائد

اسپین میں کورونا وائرس کی وجہ سے گزشتہ 24 گھنٹوں کے دوران مزید 743 اموات ریکارڈ کی گئی ہیں۔ 

ہسپانوی وزارت صحت کے مطابق ملک میں مرنے والوں کی مجموعی تعداد 13 ہزار 798 ہوگئی ہے۔ 

وزارت صحت کا کہنا ہے کہ اسپین میں کورونا وائرس سے متاثرہ افراد کی تعداد ایک لاکھ 40 ہزار سے بڑھ گئی ہے۔ 

غیر ملکی میڈیا کی رپورٹ کے مطابق اس وقت اسپین میں فعال کیسز کی تعداد 83 ہزار سے زائد ہے، جن میں 7 ہزار افراد کی حالت تشویش ناک ہے۔ 

اسی طرح اسپین میں کورونا وائرس سے لڑ کر صحتیاب ہونے والوں کی تعداد 43 ہزار 2 سو ہے۔