سعد رفیق کی حاضری سے معافی کی درخواست منظور

لاہور کی احتساب عدالت نے پیراگون ہاؤسنگ سوسائٹی ریفرنس کی سماعت کے دوران مسلم لیگ نون کے رہنما خواجہ سعد رفیق کی حاضری سے معافی کی درخواست منظور کر لی۔

احتساب عدالت کے ایڈمن جج جواد الحسن نے کیس کی سماعت کی۔

وزیراعظم کورونا پر اے پی سی بلائیں، سعد رفیق

وزیر اعظم عمران خان کورونا وائرس سے نمٹنے کے لئے بڑے پن کا مظاہرہ کریں اور تمام سیاسی جماعتوں کے قائدین کو وزیر اعظم ہاؤس بلائیں، قومی اتفاق رائے سے احتساب کا نیا ادارہ بھی بنایا جانا چاہئے۔

خواجہ سعد رفیق نے عدالت میں مؤقف اپنایا کہ لاک ڈاؤن اور کورونا وائرس کے خدشات کے باعث عدالت میں پیش نہیں ہو سکتا۔

عدالت نے سعد رفیق کی حاضری سے معافی کی درخواست منظور کرتے ہوئے خواجہ برادران کے خلاف کیس کی سماعت 21 اپریل تک ملتوی کر دی۔

عدالت نے آئندہ سماعت پر سب رجسٹرار عزیز بھٹی ٹاؤن اور قیصر امین بٹ کو شہادت کے لیے طلب کر لیا ہے۔

یہ بھی پڑھیئے: نیب کو ختم ہونا ہوگا، خواجہ سعد رفیق

احتساب عدالت کے باہر سعد رفیق کے بھائی اور رہنما مسلم لیگ نون خواجہ سلمان رفیق نے میڈیا سے گفتگو کرتے ہوئے کہا کہ کورونا وائرس کی روک تھا کے لیے جو اقدامات کرنے چاہئیے تھے وہ حکومت نے نہیں کیے۔

انہوں نے یہ بھی کہا کہ سندھ حکومت بروقت اقدامات کر کے اپنے وسائل میں کورونا کی اس وبا سے نمٹ رہی ہے۔