فرمان الہی
نماز کے اوقات
سندھ ہائی کورٹ نے نمازِ جمعہ کے اجتماعات سے متعلق دائر درخواست مسترد کر دی۔
عدالت نے کورونا وائرس کے پیشِ نظر نمازِ جمعہ سے متعلق سرکاری اقدامات درست قرار دے دیے۔
ایڈیشنل ایڈووکیٹ جنرل جواد ڈیرو نے عدالت کو بتایا کہ حکومت ِسندھ نے نمازِ جمعہ کے اجتماعات پر پابندی عائد نہیں کی، حکومت نے اجتماع میں شہریوں کی تعداد میں کمی کی ہدایت دی ہے۔
انہوں نے کہا کہ حکومت نے لوگوں کی زندگی بچانے کے لیے اقدامات کیے ہیں، 3 سے 5 افراد کو مسجد میں نمازِ جمعہ کے اجتماع کی اجازت ہے۔
درخواست گزار نے عدالت میں مؤقف اختیار کیا کہ حکومت کے احکامات آئین میں دی گئی مذہبی آزادی کے برعکس ہیں۔
محکمۂ داخلہ سندھ نے علماء سے مشاورت اور نمازِ جمعہ کے متعلق فتوے عدالت میں پیش کیے۔
یہ بھی پڑھیئے: جمعے کو لاک ڈاؤن کی پوری پابندی کی جائے، ناصر حسین
عدالتِ عالیہ نے اپنے حکم میں کہا کہ درخواست قابلِ سماعت نہیں ہے لہٰذا مسترد کی جاتی ہے۔
