چمن زار کالونی کا دوسرا ٹیوب ویل بھی خراب

میرا شہر

اسلام آباد

11 اپریل ، 2020

راولپنڈی (اپنے نامہ نگار سے ) چمن زار کالونی کا دوسرا ٹیوب ویل بھی خراب ہو گیا جس کے باعث ایک بڑی آبادی پینے کے پانی سے محروم ہو گئی، اہل محلہ کے مطابق واسا کے ماتحت چمن زار کالونی کا پہلے ایک ٹیوب ویل خراب ہوا جس کے پائپ پچھلے کئی دنوں سے باہر نکلے پڑے ہیں ، وہ ٹیوب ویل ٹھیک نہیں ہوا تھا کہ اس آبادی کا گزشتہ روز دوسرا ٹیوب ویل بھی جواب دے گیا اس سے ایک بڑی آبادی کیلئے موجودہ لاک ڈائون کے دوران پانی کا حصول مشکل ہو گیا ہے ، اہل محلہ کا کہنا ہے کہ ابھی تو گرمیاں شروع نہیں ہوئیں تو یہ صورتحال پیدا ہو چکی ہے ، گرمیوں میں تو راولپنڈی کی عوام کو پانی کے حصول میں سخت مشکلات ہو سکتی ہیں ، انہوں نے ایم ڈی واسا کی توجہ اس اہم مسئلہ کی طرف دلاتے ہوئے کہا ہے ان دونوں ٹیوب ویلوں کی بحالی کیلئے فوری اقدامات اٹھائے جائیں۔

تازہ ترین