• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جیو پر آج دیکھیں ، ننھے پروفیسر زیدان کے ”کورونا“ پر اہم انکشاف، راجہ ریاض اور ندیم افضل (ڈمیز) ”خبرناک“ میں، سنگا پور میں ”ایک دِن جیو کے ساتھ“

آج کا اخبار
ملک بھر سے
12 اپریل ، 2020
کراچی (جنگ نیوز) راجہ ریاض اور ندیم افضل چن (ڈمیز) اتوار کو ”جیونیوز“ کے پروگرام ”خبرناک“ کے مہمان ہوں گے۔ شو کے ایک سیگمنٹ میں دکھایا جائے گا کہ کس طرح (ڈمی) راجہ ریاض نے گنے کی رکھوالی کیلئے گنڈاسہ اُٹھا لیا ہے۔ ”ایسا ٹیکس جو شیخ رشید کو لے ڈوبے گا، سوشل میڈیا کی محبت کا بھیانک سچ اور مختارے کی محبت پاکستان پہنچ گئی“یہ تمام موضوعات بھی ”خبرناک“ کی رونق بڑھائیں گے۔ طنز ومزاح سے بھر پور شو علی میر اور عائشہ جہانزیب کے ساتھ رات 11بجکر 5منٹ پر دکھایا جائے گا۔ ٭ننھے پروفیسر زیدان حامد کے کورونا اور دیگر وائریسز سے متعلق حیران کن انکشاف پروگرام ”جرگہ“ میں شب 10بجکر5منٹ پر دکھائے جائیں گے۔ میزبان سلیم صافی ہیں۔ ٭ سنگاپور میں ہر طرف پھول اور سبزہ ہی سبزہ ہے۔ حکومتی وزرا پر کسی بھی قسم کا کاروبار کرنے کی پابندی ہے۔ ایشیا میں سب سے زیادہ ارب پتی سنگاپورمیں رہتے ہیں۔ بجٹ کا 20 فیصدحصہ تعلیم کیلئے مختص کیا جاتاہے۔ ٭ سنگا پور میں آج بھی پہلے مسلمان صدر کی تصویر سنگاپور ڈالر پر لگی ہے۔ پاکستانیوں نے سنگاپور کی ترقی میں اہم کردار ادا کیا ہے۔ ”ایک دِن جیو کے ساتھ“ میں ناظرین سنگا پور کی سیر کرنے کے علاوہ دلچسپ سوال و جواب سے آگاہ ہوں گے۔ پروگرام سہیل وڑائچ کی میزبانی میں شام 7 بجکر5منٹ پر نشر کیا جائے گا۔
تازہ ترین