فرمان الہی
نماز کے اوقات
وفاقی وزیر ریلوے شیخ رشید احمد کا کہنا ہے کہ انہوں نے پاکستان کے سب سے بڑے میڈیا گروپ جنگ اور جیو کے ایڈیٹر انچیف میر شکیل الرحمٰن کے حوالے سے وزیراعظم عمران خان سے پہلے بھی بات کی تھی اور کل دوبارہ کریں گے۔
لاہور میں میڈیا سے گفتگو کے دوران وزیر ریلوے شیخ رشید احمد نے کہا کہ انہوں نے میر شکیل الرحمٰن کے حوالے سے وزیراعظم عمران خان سے پہلے بھی بات کی تھی اور کل دوبارہ کریں گے۔
انہوں نے مزید کہا کہ چھوٹی موٹی ٹک ٹک لگی رہتی ہے، روزنامہ ڈان سے تعلقات بہتر کیے ہیں، رمضان سے پہلے باقی میڈیا سے متعلق بھی اچھی خبر آئے گی۔
یاد رہے کہ وفاقی اور صوبائی حکومتوں نے سرکاری اشتہارات کی مد میں طویل عرصے سے واجب الادا رقوم میڈیا انڈسٹری کو اب تک نہیں دی ہیں۔
اس بارے میں پاکستان براڈ کاسٹرز ایسوسی ایشن، اے پی این ایس اور پی ایف یو جے کی کوششیں بھی کامیاب نہیں ہوسکی ہیں۔
