فرمان الہی
نماز کے اوقات
وزیراعلیٰ خیبرپختونخوا محمود خان کے معاون خصوصی برائے بلدیات کامران بنگش بھی کورونا وائرس سے متاثر ہوگئے۔
وزیراعلیٰ کے معاون خصوصی کامران بنگش کو طبیعت کی خرابی پر اسپتال لایا گیا، ٹیسٹ کرنے پر کورونا مثبت آیا ہے۔
کامران بنگش کے خاندان کے دیگر 11 افراد کے بھی کورونا وائرس کے ٹیسٹ کیے جارہے ہیں۔
کورونا سے متعلق خبروں کی مکمل کوریج
واضح رہے کہ ایم ایم اے کے کرم ایجنسی سے منتخب ہونے والے قومی اسمبلی کے رکن منیر خان اورکزئی کا کورونا وائرس کا ٹیسٹ بھی مثبت آیا ہے۔
منیر خان اورکزئی کے صاحبزادے اختر منیر اورکزئی نے ’جیو نیوز‘ سے بات چیت کرتے ہوئے اپنے والد کے کورونا کے شکار ہونے کی تصدیق کی ہے۔
انہوں نے بتایا کہ منیر خان اورکزئی کی حالت اب بہتر ہے، وہ ملاقات کے لیے آئے کسی متاثرہ شخص کی وجہ سے بیمار ہوئے ہیں۔
اختر منیر اورکزئی نے مزید بتایا کہ منیر خان اورکزئی گزشتہ روز حیات آباد میڈیکل کمپلیکس پشاور میں وینٹی لیٹر پر تھے۔
