• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

یونیورسٹی روڈ پر فائرنگ، رحیم یار خان کے دو شہری قتل

آج کا اخبار
اہم خبریں
01 مئی ، 2020
کراچی (اسٹاف رپورٹر) یونیورسٹی روڈ پر فائرنگ کے پر اسرار واقعہ میں دو افراد جاں بحق ہو گئے۔تفصیلات کے مطابق عزیز بھٹی تھانے کی حدود گلشن اقبال جامعہ اردو کے سامنے یونیورسٹی روڈ پر فائرنگ کے پر اسرار واقعہ میں دو افراد جاںبحق ہو گئے،اطلاع ملنے پر پولیس اور ریسکیو ادارے کی ایمبولینسیں موقع پر پہنچیں اور لاشوں کو جناح اسپتال منتقل کیا جہاں انکی شناخت55سالہ وزیر احمد ولد رسول بخش اور46سالہ محمد ظفر حسین ولد اللہ بچایا کے ناموں سے ہوئی،ہلاکت کی اطلاع پر جاں بحق افراد کے ورثاء اور رشتہ دار بھی جناح اسپتال پہنچ گئے۔ایس ایچ او عدیل کے مطابق مقتولین کے جسم پر ایک ایک گولی لگی ہے تاہم پولیس کو جائے وقوعہ سے گولیوں کے خول نہیں ملے،انہوں نے بتایا کہ مقتولین جیل روڈ عثمانیہ کالونی کے رہائشی تھے اور آپس میں رشتہ دار تھے۔
تازہ ترین