فرمان الہی
نماز کے اوقات
پاک بحریہ اور اینٹی نارکوٹکس فورس کی جانب سے بلوچستان کے شہر پسنی سے ملحقہ سمندر میں مشترکہ انسداد منشیات آپریشن کیا گیا۔
ترجمان پاک بحریہ کے مطابق آپریشن انٹیلی جنس معلومات کی بنیاد پر کیا گیا۔
آپریشن کے دوران قبضے میں لی گئی 100 کلو گرام کرسٹل ڈرگ کی مالیت تقریباً تین ارب روپے ہے۔
پاک بحریہ کے ترجمان کا کہنا ہے کہ منشیات اسمگلنگ کے خلاف بروقت کاروائی پاک بحریہ کی سمندری حددود کی مؤثر نگرانی کا نتیجہ ہے۔
برآمد شدہ منشیات مزید قانونی کارروائی کے لیے اینٹی نارکوٹکس فورس کے حوالے کر دی گئیں۔
ترجمان پاک بحریہ کے مطابق موجودہ صورتحال کے باوجود جاری جرائم پیشہ عناصر کی مذموم سرگرمیوں کی روک تھام کےلیے پاک بحریہ پر عزم ہے۔
