فرمان الہی
نماز کے اوقات
پاکستان پیپلز پارٹی کے چیئرمین بلاول بھٹو زرداری نے کہا ہے کہ وفاقی حکومت ٹڈی دل سے متعلق بلاتاخیر نیشنل ایکشن پلان پرعمل کرے۔
بلاول بھٹو زرداری نے ملک میں ٹڈی دل کی صورتحال پر ردعمل دیتے ہوئے کہا ہے کہ ایکشن پلان پر عمل میں تاخیر زراعت کے ساتھ معیشت کے لئے بھی خطرناک ہوگی۔
انہوں نے کہا کہ ایکشن پلان کے تحت کم سے کم 12 طیاروں کے ذریعے اسپرے ہونا تھا، بلوچستان کے ان علاقوں میں اسپرے کیا جانا تھا، جو ٹڈی دل کے آنے کا راستہ ہیں۔
بلاول بھٹو کا کہنا ہے کہ وفاقی حکومت اس سلسلے میں بلوچستان میں اتنے طیارے استعمال نہیں کررہی بلکہ صرف ایک طیارے اور تین ہیلی کاپٹرز استعمال کیے جا رہے ہیں، جو بڑی تعداد میں موجود ٹڈی دل کو کنٹرول نہیں کرسکتے۔
چیئرمین پی پی پی نے مزید کہا کہ ٹڈی دل کشمور، لاڑکانہ، عمرکوٹ اور تھرپارکر میں بھی داخل ہوگئےہیں، اگر ان حالات میں قحط پڑا تو اس کی ذمہ دار وفاقی حکومت ہوگی۔
