• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فردوس عاشق نے سرکٹ ہائوس میں کمرہ مانگا نہ ہم نے انکار کیا، ملتان انتظامیہ

آج کا اخبار
اہم خبریں
11 مئی ، 2020
ملتان (نمائندہ جنگ) ضلعی انتظامیہ اور سرکٹ ہاؤس مینجمنٹ نےوضاحت کی ہے کہ فردوس عاشق اعوان کو سرکٹ ہاؤس میں کمرہ دینے سے انکار نہیں کیا گیا البتہ وہ خود ہی کراچی سے واپسی پر صرف سحری کے لئے ملتان سرکٹ ہاؤس رکی تھیں اور چند گھنٹے قیام کے بعد وہ لاہور کے لئے روانہ ہوگئیں ۔ان کا کہنا ہے کہ وہ بغیر کسی اطلاع کے جمعہ اورہفتہ کی درمیانی شب رات تقریبا اڑھائی بجے سرکٹ ہاؤس ملتان پہنچیں جس پر ڈیوٹی پر موجود ملاز م نے میٹنگ ہال کھول دیا ،جبکہ کمرے لاک تھے اوران کی چابیا ں کئیر ٹیکر کے پاس ہوتی ہیں اور وہ دن کے وقت ڈیوٹی پر ہوتے ہیں اگر کسی مہمان کی پیشگی اطلاع ہو تو وہ کمرے کی چابیاں نائٹ ڈیوٹی پر مامور عملہ کو دے جاتے ہیں ،لیکن اطلاع نہ ہونے کی وجہ سے چابیاں اس کے پاس نہیں تھیں ،۔سرکٹ ہاؤس کے کئیر ٹیکر نعیم چنگیزی کا کہنا ہے کہ سابق معاون خصوصی نے نائٹ ڈیوٹی پر موجود عملہ سے کمرے کے لئے اصرار بھی نہیں کیا اورنہ ہی ضلعی انتظامیہ یا سرکٹ ہاؤس منیجمنٹ سے رابطہ کیا اور سحری کرکے وہ صبح روانہ ہوگئیں۔
تازہ ترین