سوڈا ڈرنکس چھوڑیں، اس رمضان بنائیں گُڑ کا شربت

12 مئی ، 2020

سوڈا ڈرنکس چھوڑیں، اس رمضان بنائیں گُر کا شربت

موسم گرما کے آتے ہی سوڈا ڈرنکس، موکٹیل، لیمنیڈ، لسی سمیت مختلف شربتوں کے استعمال میں اضافہ ہو جاتا ہے، یہ سب ہی مشروبات وقتی طور پر گرمی تو دور بھگاتے ہیں مگر ان میں استعمال ہونے والی پروسیسڈ شوگر کے سبب صحت پر مضر اثرات بھی آتے ہیں۔

ماہرین غذائیت کے مطابق حتی الامکان قدرتی اجزا اور غذاؤں کا استعمال کرنا چاہئیے، گرمیوں کے موسم میں شکنجبین کا استعمال نہایت مفید اور گرم موسم میں راحت کا سبب بنتا ہے، اسی طرح مختلف پھلوں کے شربت بنانے کے لیے اگر چینی کے بجائے گُڑ کا استعمال کر لیا جائے تو گرمی کے ساتھ لو لگنے اور گرمی دانوں سے بھی نجات مل جاتی ہے ۔

گُڑ کے فوائد

گُڑ کے بے شمار فوائد کو سائنس نے بھی مانا ہے، کھانے کے بعد اس کے استعمال سے غذا جلد اور آسانی سے ہضم ہو جاتی ہے اور معدے کی صحت بہتر ہوتی ہے، اس کا استعمال میٹھی غذاؤں میں بلا جھجک کیا جا سکتا ہے۔

جلد کو خوبصورت بناتا ہے

گُڑ میں ’ فلاوینائیڈ‘، ’اینٹی آکسیڈنٹ‘ اور ’ اینٹی ایجنگ ‘ اجزا پائے جانے کے سبب جلد سے جھڑیوں کا خاتمہ ہوتا ہے، جلد صاف شفاف اور جوان نظر آتی ہے ۔

پھیپڑوں کی صحت میں مفید ثابت ہوتا ہے

امریکی جریدے جرنل انوائیرنمنٹ ہیلتھ پرسپیکٹیو میں شائع ہونے والی ایک تحقیق کے مطابق گُڑ کے استعمال سے پھیپڑوں کی صحت بہتر ہوتی ہے، آلودہ فضا میں سانس لینے کے سبب پھیپڑوں میں موجود مضر صحت مادوں کو زائل ہونے میں مدد ملتی ہے۔

گُڑ میں پائی جانے والی’ نیوٹرینٹس ‘ کے سبب پھیپڑوں کی قدرتی طور پر صفائی ہوتی ہے اور انسانی جسم میں موجو ’لمف نوڈس‘ کی کاکردگی بہتر ہوتی ہے۔

وزن کم کرنے کے لیے گُڑ کا استعمال

پروسیسڈ چینی کے مقابلے میں گُڑ قدرتی مٹھاس رکھتا ہے جس کے سبب اس میں نہایت کم کیلوریز پائی جاتی ہیں ، چینی کے بجائے گُڑ کے استعمال سے مٹھاس کی طلب بھی پوری ہو جاتی ہے ، وزن میں کمی آتی ہے ، بلڈ شوگر لیول متوازن رہتا ہے جبکہ گُڑ ذیابطیس 2 میں بھی مفید ثابت ہوتا ہے ۔

گُر کا شربت بنانے کے اجزا :