آپ آف لائن ہیں
اتوار20؍ذیقعد 1441ھ 12؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

یہ عید کورونا متاثرین اور طیارے حادثے کے شہداء کے نام رہی : عروہ حسین

پاکستان ٹی وی اور فلم انڈسٹری کی معروف جوڑی عروہ حسین اور فرحان سعید کا کہنا ہے کہ یہ عید کورونا سے جاں بحق ہونے والوں اور کراچی طیارہ حادثے میں شہید ہونے والوں کے نام رہی ۔

سماجی رابطے کی ویب سائٹ ٹوئٹر پر عروہ حسین نے عید کی مناسبت سے ایک پیغام جاری کیا جس میں انہوں نے فرحان سعید کے ساتھ اپنی ایک دلکش تصویر شیئر کی۔

ٹوئٹ میں ادکارہ نے لکھا کہ رواں سال ہم میں سے بہت سے لوگوں کیلئےکچھ سود مند ثابت نہیں ہوا، انہوں نے لکھا کہ یہ عید طیارہ حادثے اور کورونا کا شکار ہونے والوں کے نام رہی ۔

اداکارہ نے لکھا کہ اپنی بہترین صحت اور ایک اچھی فیملی کیلئے ہمیشہ شکرگزار رہی۔

دوسری جانب فرحان سعید نے بھی اہلیہ، والدہ اور والد کے ساتھ عید کی تصویر شیئر کی۔


فرحان سعید نے اپنے  پیغام میں لکھا کہ اللہ طیارہ حادثے کے شہداء کو لواحقین کو یہ صدمہ برداشت کرنے کی ہمت دے۔

انہوں نے مداحوں سے بھی شہداء کیلئے دعائے مغفرت کی درخواست کی۔

واضح رہے کہ جمعۃ الوداع کو لاہور سے کراچی آنے والے قومی فضائی ادارے (پی آئی اے) کی پرواز کراچی میں لینڈنگ سے 30 سیکنڈ قبل حادثے کا شکار ہوگئی تھی جس کے نتیجے میں97 افراد جاں بحق ہوئے۔

انٹرٹینمنٹ سے مزید