لندن ( جنگ نیوز) کیپٹن ٹام مور سے متاثر ہو کر ایک معذور بچے نے بھی ہسپتال کیلئے فنڈز جمع کر لیے۔ جب کورونا وائرس لاک ڈاؤن شروع ہوا تھا تو 9 سالہ ٹوبیاس ویلیر جسے سیریبرل پلاسی یا دماغی فالج ہے روزانہ ایک فریم کی مدد سے 50 میٹر چلتا تھا ۔ لیکن اب اس نے کیپٹن سر ٹام مور سے متاثر ہو کرشفیلڈ میں اپنے گھر کے سامنے 70 دنوں میں 26.2 میل کا فاصلہ پیدل طے کیا ہے ۔ بچے نے یہ چیلنج اپنے سپورٹرز کی موجودگی میں مکمل کیا جنہوں نے زبردست تالیاں بجا کر اس کاوش پر اسے خراج تحسین پیش کیا ۔ اس کا کہنا ہے کہ مجھے یقین نہیں آ رہا کہ میں نے میراتھن مکمل کر لی ہے یہ زبردست کاوش ہے ۔ اس کی والدہ رتھ گاربٹ کا کہنا ہے کہ ’میں اپنے چھوٹے بچے کے اس قابل فخر کارنامے پر پھولے نہیں سما رہی ۔ ٹوبیاس کو اس کے سپورٹرز کیپٹن ٹوبیاس بھی کہتے ہیں ۔ ٹوبیاس نے کورونا وائرس کے اس دور میں مقامی بچوں کے ہسپتال اور ایک معذور بچوں کے سکول کیلئے 46 ہزار پونڈ کی فنڈ ریزنگ کی ہے۔
فرمان الہی
نماز کے اوقات
