میرا بیٹا میرا استاد ہے: اذان سمیع خان

پاکستان میوزک انڈسٹری کے ابھرتے ہوئے گلوکار اذان سمیع خان نے اپنے پانچ سالہ بیٹے ابراہیم کو اپنا استار قرار دے دیا۔

کم عمری میں ہی شہرت کی بلندیوں کو چھو نے والے عدنان سمیع خان اور زیبا بختیار کے بیٹے اذان سمیع خان نے سماجی رابطے کی ویب سائٹ انسٹاگرام پر اپنے بیٹے ابراہیم کی پانچویں سالگرہ کے موقع پر ساتھ لی گئیں یادگار تصویریں شیئر کیں اور ساتھ ہی لکھا کہ وہ اس وقت تک اپنا کوئی گانا ریلیز نہیں کرتے جب تک ابراہیم اسے نہ سن لے۔

اذان سمیع خان کا اپنے بچوں کے نام جذباتی پیغام

پاکستان میوزک انڈسٹری کے ابھرتے ہوئے گلوکار اور عدنان سمیع اور زیبا بختیار کے بیٹے اذان سمیع خان نے اپنی بیٹی کی سالگرہ کے موقع پر ایک تفصیلی مگر جذباتی اور احساسات سے بھرپور پیغام شیئر کیا ہے ۔

انہوں نے ابراہیم کو اپنا اچھا دوست، استاد، سخت ناقد، بہترین حوصلہ افزائی کرنے والا اور اپنی زندگی کا بہترین انسان قرار دیتے ہوئے سالگرہ کی مبارکباد دی۔

انہوں نے اپنے پیار بھرے پیغام میں یہ بھی بتایا کہ وہ اپنا کوئی بھی گانا اُس وقت تک ریلیز نہیں کرتے جب تک ابراہیم اسے سُن کر اپنی کوئی حتمی رائے نہ دے۔

انہوں نے بتایا کہ وہ ابراہیم کے فائنل ورژن سننے کے بعد اور منظوری کے بعد ہی اپنا کوئی نیا گانا ریلیز کرتے ہیں۔

گلوکار نے لکھا کہ وہ اس بات پر یقین رکھتے ہیں کہ اگر ابراہیم نے نئے گانے کے لیے پسندیدگی کا اظہار کیا تو یہ پرستاروں کو بھی پسند آئے گا۔

اذان سمیع کازیبا بختیار کو خوبصورت پیغام

 گلوکار و اداکار عدنان سمیع کے بیٹے اذان سمیع نے...

27 سالہ میوزک کمپوزر اور اسسٹنٹ ڈائریکٹر اذان سمیع خان نے 20 برس کی عمر میں اپنی بچپن کی سہیلی صوفیہ بلگرامی سے شادی کی تھی، ان کے دو بچے ہیں۔