فرمان الہی
نماز کے اوقات
آرمی چیف جنرل قمر جاوید باجوہ نے وفاقی وزیر ریلوے شیخ رشید احمد کو ٹیلی فون کرکے ان کی خیریت معلوم کی۔
شیخ رشید احمد نے جیو نیوز سے گفتگو کرتے ہوئے کہا کہ آرمی چیف نے ٹیلی فون کر کےان سے خیریت دریافت کی ہے۔
آرمی چیف نے شیخ رشید سے کہا کہ آپ اپنی صحت کا خاص خیال رکھیں۔
جنرل قمر جاوید باجوہ نے شیخ رشید کی صحت یابی کے لیے دعا کی اور ان کے لیے نیک تمناؤں کا اظہار بھی کیا۔
آرمی چیف کا کہنا تھا کہ ضرورت محسوس ہو تو آرمی کی کسی بھی صحت کی سہولت سے علاج کراسکتے ہیں۔
واضح رہے کہ شیخ رشید تین روز سے کورونا ٹیسٹ مثبت آنے کی وجہ سے سیلف آئیسولیشن میں ہیں۔ اس حوالے سے اُن کا کہنا ہے کہ میں خیریت سے ہوں اور دعاؤں کا شکر گزار ہوں۔
کورونا وائرس میں مبتلا وزیر ریلوے شیخ رشید احمد کی خیریت دریافت کرنے کے لیے اعلیٰ شخصیات نے انہیں فون کیا اور پیغامات بھیجے۔
وزارت ریلوے کے مطابق صدر عارف علوی، چیرمین سینیٹ، اسپیکر اسد قیصر نے شیخ رشید کو فون کیا اور اُن کی صحت دریافت کی۔
گورنر سندھ عمران اسماعیل نے بھی شیخ رشید احمد کو فون کیا اور خیریت دریافت کی۔ تحریک منہاج القرآن کے چیئرمین طاہر القادری نے شیخ رشید کو فون کیا اور اُن کے لیے گلدستہ بھیجا۔
وزارت ریلوے کے مطابق پاکستان میں چین کے سفیر باؤ جنگ نے بھی شیخ رشید کو فون کیا اور گلدستہ بھیجا۔
اس کے علاوہ حکومتی اور دیگر شخصیات نے بھی شیخ رشید کی خیریت دریافت کی اور اُن کی جلد صحتیابی کے لیے نیک خواہشات کا اظہار کیا۔
