• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہید بی بی کی جدوجہد جمہوریت پسندوں کیلئے مشعل راہ ہے،آصف زرداری

آج کا اخبار
اہم خبریں
21 جون ، 2020
کراچی (اسٹاف رپورٹر) سابق صدر پاکستان آصف علی زرداری نے محترمہ بینظیر بھٹو شہید کی سالگرہ پر اپنے پیغام میں کہا ہے کہ پاکستان پیپلزپارٹی نے 1973ءکا آئین بحال کرکے شہید محترمہ بینظیر بھٹو کے مشن کی تکمیل کی ہے اور بااختیار پارلیمنٹ کے اصول پر آج بھی ثابت قدم ہیں۔ بینظیر بھٹو شہید نے جمہوری جدوجہد کرکے دو آمروں کو شکست دی۔ ان کی جدوجہد جمہوریت پسندوں اور آزادی پسندوں کے مشعل راہ ہے۔میثاق جمہوریت پر تنقید کرنے والے آمروں کی طفیلی جڑ ہیں۔ آصف علی زرداری نے کہا کہ شہید محترمہ بینظیر بھٹو شہید کی خارجہ پالیسی ملک کے لئے وقار کی ضمانت ہے۔ پیپلزپارٹی نے محترمہ بینظیر بھٹو کی پالیسیوں پر عمل کرتے ہوئے خارجہ پالیسی بنانے کا اختیار پارلیمنٹ کو واپس کیا۔ہماری جنگ آج بھی اس سوچ سے ہے جو جمہوریت سے نفرت کرتی ہے۔ آصف علی زرداری نے کہا کہ اللہ تعالیٰ کی عدالت کے بعد سب سے بری عدالت عوام ہیں۔
تازہ ترین